套餐選咗120分鐘SFR美國極黑和牛餐，可任選美國極和牛片，美國安格斯牛板腱，手切封門柳，美國牛肩胛肉 巴西牛脷托，牛肉都色澤亮麗，非常新鮮，牛脂雪花均勻！而美國極和牛片大大片的，入口相當有口感，肉味濃厚！肉類方面，我還瘋狂點了澳洲羊肉片，因為羊肉片實在太嫩滑鮮甜，浸透了火鍋湯底嘅味道，真係好好好味！
另外，醉雞翼，台灣鴨血，以及手打墨魚滑都非常推介！而海鮮類就必點沙白，鮮味爆汁；象拔蚌，紐西蘭青口，象拔蚌片，蝦仁棒棒都係非常鮮味，唔使點任何醬汁都正。
而火鍋自助選料區仲有超過40款配料任君選擇，其中仲包括多種台灣食材，仲有涼伴小食，炸物及甜品自助區，每次行去選料區，為食嘅我真係每款都想試！而飲品方面，有梅酒，清酒，日本啤酒，仲有各種氣水，果汁，茶飲凍飲，而自家嘅冷泡茶真係非常清新解滯！真係由小食，飲品，火鍋配料及湯底都性價比非常高，而且依家仲有燒乳鴿放題，熱辣辣乳鴿，香脆又多汁，千祈唔好錯過！
