三禾中日料理 (Closed)

天氣成日轉黎轉去 不過有一樣係唔會變嘅係我一年四季都可以食火鍋做晚餐今日友人推介黎三禾中日料理食任食放題其實有三個原因第一用料新鮮~味道好好第二刺身任食 而且種類唔少第三佢之前食過一次 近日收到風話有新湯底佢想試 所以拉左我地黎食綜合以上三點 我地幾個人就陪佢上黎食返餐點餐原來唔止揀湯底 仲有肉類唔同 跟牛X鍋類似由於就到月尾荷包乾涸 唔係我一定叫貴價和牛黎試吓雖然今次只係得安格斯牛牛，不過都唔好睇少~啲肉質都真係幾靚 食落的確有牛味為左測試 我地都有叫左盤普通牛肉相比之下安格斯真係好食好多跟手講埋個湯底 今次新推出有四個湯底分別係 胡椒豬肚雞/豬骨煲皇/麻辣雞煲/番茄牛腩我地就要左 豬骨煲皇 同 麻辣雞煲 黎到個樣都對路 味道唔錯 可惜個雞煲冇得加辣 有就真係正勒咁刺身方面又的確係幾新鮮 唔會雪到冇晒味 而且亦唔係差嘅刺身我地就叫左兩盤黎食勒 火鍋配料其實佢地都多 其中有好耐唔見嘅有油脂嘅鵝腸 真係火鍋必食特色丸類真心唔錯 起碼唔係超市級數 冇任何油益味個人推介係皮蛋豬肉丸同鵝肝牛肉丸女士們話我地係咁叫肉唔叫菜...原本想叫籃菜睇吓不過怕唔知係乜菜 最後散叫左啲 黎到都新鮮 仲有洗乾