喜双逢 (Closed)

好耐之前去過一次喜雙逢, 比佢 d 勁差 service 嚇怕, 所以好耐都冇再去, 到今日諗住隔咗咁耐, d service 都可能比以前好, 咪約埋 d 新同事食 lunch, 點知仲衰, 一入到去已經 feel 到大陣油煙味, 好似入咗廚房咁, 嘢食份量勁小, 但價錢就勁貴, 味道都吾錯, d 伙計好似趕收工咁, 我地食完 d 嘢就立即執晒張枱, 到咗1:40 pm 已經有人將張單自動送上, 我地都覺得奇怪, 但 d 伙計話係要埋咗單先, 咁咪埋囉, 點知竟然 1:45 pm 有個伙計同我地講叫我地讓張枱出來, 因為有客等緊, 有冇攪錯呀, 收咁貴嘅價錢, 你估茶餐廳呀, 食完就要走, 個伙計仲要黑住面咁嚟要我地讓枱, 竟然咁樣趕客, 加上 d 油煙攪到我一身都係味, 我發誓, 以後冇飯開我都吾會再去喜雙逢.