一入門口已經見到大大架火車，好似去左泰國嘅火車市場咁。
餐牌上都有好多食物選擇，我哋就叫咗泰式肉碎生菜包，呢個絕對係食泰國嘢必食嘅菜式， 生菜大約有十多片，但係豬肉碎非常多，啲仲有啲香料，味道好濃郁。
仲有青咖喱海鮮，用咗一個鐵鍋去上菜，我哋另外仲叫咗客蒜蓉包，可以用來點青咖喱食， 入邊有唔少海鮮，例如大蝦、青口、魷魚等， 都幾足料。
鐵板豬頸肉馬拉盞通菜都好正，夠晒鑊氣，馬拉盞鹹鹹香香，豬頸肉好惹味。
食到咁上下，叫咗杯荔枝沙冰同芒果椰汁沙冰解解渴，飲品都相當大杯，荔枝沙冰酸酸甜甜，食辣野飲就最啱，芒果椰汁沙冰，就好似食緊芒果糯米飯一樣，好香芒果味之餘，椰汁都好出。
整體來講食物質素都幾高，價錢又唔貴，份量都幾大，而且坐得都幾舒服，好啱朋友聚會傾偈食飯。
