CHOO CHOO (Closed)

上星期六約咗朋友做gym，之後梗係一齊食飯啦，這間 Choo Choo 係我朋友推薦的， 梗係要試下啦！去到餐廳門口， 只見一些舊皮喼嘅擺設， 門面不算起眼， 但當入到餐廳內，感覺截然不同！成間餐廳佈置真係像火車上用餐一樣!兩旁走動著嘅風景， 店主不論餐牌，杯墊 等等小擺設，都十分配合火車上嘅裝飾！ 這間小店真係佈滿著心思， 抵讚!睇睇menu午餐價錢都好合理，黑墨魚西班牙海鮮炒飯， 大大隻墨魚爽口並不太韌， 仲有兩隻大蝦，青口，炒飯濕濕地，有啲似意大利飯，味道烹調不錯！菠蘿椰子沙冰， 味道不算太甜， 裏面有很新鮮嘅菠蘿及椰子味道，好清新， 而且個杯好得意！酸種麵包，日本水波蛋， 煙肉蕃茄，呢個brunch， 份量剛剛好，麵包很脆口， 水波蛋加上荷蘭汁， 再配上乾身嘅煙肉， 好好味!燒牛肩胛， 五成熟剛剛好， 估唔到午市都有這個水準， 外層炭香，裏面仲係有肉汁流出！蘆筍及大啡菇再加埋黑松露汁真係好香好惹味！