焰 炭燒專門店 (Closed)

最近被隔離左個幾星期，同美食隔絕左咁耐，今日終於都可以解脫喇‼️係隔離期間不停收藏餐廳😂而呢間日式炭燒係我最想食嘅😍店內嘅「火焰」震懾眼球，急不及待要打一打卡👍🏻⭐️先付三品用左日式福盒承載精緻美食，先食甘薯，口感爽甜而唔粉‼️蟹膏豆腐上面嘅蟹膏入口香濃微甜，有種回香嘅甘甜味😋⭐️刺身三品拖羅極之肥美，入口滿滿魚油香❤️牡丹蝦好厚肉，師傅幫我哋輕輕剝開左蝦頭，輕鬆就能取出蝦膏，甘香鮮甜～⭐️火炙和牛刺身經過火炙嘅和牛，令軟滑嘅和牛多左份油脂香，加左酸醋汁&岩鹽，因此無咁油膩🤩⭐️鮑魚凍餅醬油漬鮑魚非常入味，口感軟彈，配上肝醬+鮑魚湯啫喱，增添鮮味味道😋⭐️ 鵝肝茶碗蛋鵝肝融入至蒸蛋內，每啖都有鵝肝細滑嘅口感，口感不太油膩而且好順口，因為加左柚子粉+高湯嘅關係👍🏻⭐️炭薰和牛牛舌師傅即席為牛舌調味，然後放上炭爐薰燒，再做出煙薰效果🤩牛舌口感Q彈軟嫩，配上獨特的泰式魚籽醬，實在難以抗拒❤️⭐️二重燒牛肉卷用紫菜夾住即時燒起嘅牛小排&紫蘇葉，令口感、味道都不單調😋呢間完全滿足到我哋視覺與味覺嘅享受😍