北海道活壽司 (Closed)

以前食北海道活壽司都係食開太子果間，但自從上年執左之後，就改左嚟呢間位於朗豪坊對面、亦係碩果僅存嘅一間北海道活壽司一直幫襯咁多年當然係因為呢間壽司好食，以往都冇特登上嚟打食評，突然驚覺佢已經執淨呢一間分店喇，希望可以有更多人知道佢嘅存在，唔好比唯一一間都執埋首先最推介嘅係火灼芝士系列嘅壽司，我比較奇特，鐘意食日本菜但唔食生嘢的，唯獨北海道活壽司嘅《火灼芝士三文魚壽司》係例外，縱使佢係唔熟嘅三文魚，都唔會令人覺得反胃尤其上面配搭以火灼過嘅芝士，零舍香口。除左三文魚之外，《火灼芝士海老壽司》亦係最愛的其中一味主將，熟蝦味混和芝士味，特別開胃，有時食完仲會翻兜點多一次食過火灼壽司之後，當然唔少得要例牌咁叫返款手卷！但呢度嘅手卷就整得一啲都唔例牌落足材料！呢味《軟殼蟹手卷》絕對係平民壽司店中嘅「人中之龍」，飯同蟹嘅比例相稱，入面仲夾有菜同牛油果吊味。每次師傅遞上時，除左會好貼心提醒客人要先食手卷，以免紫菜會變腍，連啲軟殼蟹仲係熱辣辣嘅，證明真係新鮮炸起、即叫即做另外，因為唔食生嘢嘅緣故，選擇變得有限之下都會叫返啲「平民」壽司嚟填飽個肚。《蟹棒壽司》就係每次必點之一，沙律醬味道適中唔會過酸，唔會