呢間韓式外賣店系由韓國媽媽主理，主打多款韓式飯卷、小食、主食等等。
🍱下午茶套餐$49
紫菜飯捲＋ 韓式炒粉絲+原味無骨炸雞＋香脆韓國豬肉餃子 1件+原味辣泡菜＋甜酸漬蘿蔔
係一個好豐富嘅下午茶，一次過試晒好多款韓式小食，個粉絲入口香滑又好有彈性，搭配埋洋蔥同菠菜一齊炒真係好香，食落又唔會油。
🐂韓式牛肋排湯（跟飯）$110
好鍾意飲呢度嘅牛肋排湯，今次個湯底一啲都唔鹹，食落好鮮甜充滿濃郁嘅牛骨味，牛肋排肉質煙靭，有三大嚿，底下仲有好多塊蘿蔔。
仲點咗個炸醬麵$68，本身覺得有啲貴，食完之後覺得物超所值，個面口感好彈牙，炸醬好香，配埋爽脆嘅青瓜同炸醬撈埋一齊食！好正🙌
1
1
