地方真係好大，好闊落，裝修係露營風，好多打卡位，個feel真係好正，好chill，
啡色梳化位亦係打卡位，好易就可以影到靚相，
三五知己喺個帳篷度傾偈，私隱度十足，
大玻璃採光度十足，景觀亦非常開揚，好舒服咁飲杯嘢傾下偈，食啲嘢望下窗外嘅風景，正！
睇餐牌有好多選擇，我哋揀咗個二人餐，
是日餐湯（二人餐前菜）
蒜蓉包（二人餐前菜）
餐湯好濃好熱，比較杰身，可以蘸蒜蓉包同吃，味道豐富，不會過鹹，
慢煮溫泉蛋牛油果沙律（二人餐前菜）
好大碟，份量足，沙律菜新鮮爽脆，牛油果顏色翠綠，而且份量不少，車厘茄亦很爽甜，配上充滿著蛋香的溫泉蛋，拌勻後味道清新，口感爽脆，
芝士條及吉列蕃茄芝士及炸雞軟骨（二人餐小食）
炸物炸得酥脆，重點是不油膩，炸得很乾身，咬開芝士條和吉列蕃茄芝士好香，濃郁嘅芝士味充滿口腔，雞軟骨亦爽脆有口感，
黑松露芝士通心粉（二人餐主菜）
一上枱，已經聞到好香嘅黑松露芝士香味，通心粉煮得軟硬適中，不會太淋，不會太硬，份量絕對足夠二人share，
穀飼安格斯西冷8安士（二人餐主菜）
主角出場喇！8安士嘅穀飼安格斯西冷超大塊，好厚身，
西冷肉又嫰又juicy，一點也不韌，調味剛剛好，不會蓋過了安格斯本來的肉味，
蜜桃水果茶&熱情果水果茶（二人餐飲品）
二人餐可以揀水果茶或汽水，我同朋友分別揀咗蜜桃水果茶同熱情果水果茶，好大杯好抵飲，好重果香，但不會過甜，好夾今晚呢餐飯，
是日甜品（二人餐甜品）
甜品擺盤精美，又有蛋糕又有雪糕，大滿足，朱古力mousse味道濃郁，口感幼滑，可可味濃，不會過甜，為呢頓晚餐劃上一個完美嘅句號。
總結：
餐廳新裝修，地方又大又乾淨，而且裝修得好靚好有feel，真係好適合上嚟打卡chill吓，招呼親切有禮，食物亦都有質素，性價比高，好適合情侶拍拖食飯或朋友聚會聊天。
