寶貝靚湯 (Closed)

灣仔-寶貝靚湯：海鮮花膠雞晚餐（訂枱講「寶貝靚湯888」$268/位，兩位起）(優惠期至31/12/2018）好耐無食私房菜😍今次去到灣仔一間隱世小店（因為在麥加力哥街），碗湯真係超級足料，鹽都無加都已好足味，感到膠質但唔漿口，仲有3片大花膠，成匙瑤柱，飲左一大碗，好滿足呀🤤海鮮有海中蝦、鮑魚、貴妃蚌，全部都好新鮮！！！蝦非常彈牙鮮甜鮑魚都幾大隻貴妃蚌加埋XO醬好惹味再黎花膠雞，隻雞係浸出黎即切既，超滑，無加好多調味，食到雞既原味。銀針粉個雞湯底係重點，估唔到咁大碗銀針粉我竟然食下食下食哂😱。去到呢個位我已經好飽，最後仲要食埋個甜品-紅棗杞子桂花糕，唔係一小件hea你，係一個甜品杯！見唔到桂花但好重桂花香，最鍾意係佢少甜，一問之下原來老闆係整左桂花茶先做糕，真係好有誠意👍🏻。綜觀全餐飯，覺得用料唔錯，連杞子都用靚既，無添加，老闆又好樂意落黎同客人交流。—------------•🈵🈵🈵🈵⏺會encore 呢度有做散叫是日靚湯/米線/銀針粉/小食的，下次黎想試醉雞翼同碗仔翅！•——————-