駿景軒

Open Now

Now Closed

灣仔皇后大道東戈邊有數間酒店🏨之前喺戈邊番工成日會經過，食就冇喺呢幾間酒店食過，今次終於有機會去英皇駿景酒店食，環境有點氣派，員工友善體貼👍🏼✿ 百花炸釀蟹鉗 $188炸蟹鉗相信冇人抗拒到🦀兩隻大大隻內裡好足料，炸得香脆而不膩，沾上酸甜醬更滋味。✿ 拔絲咕嚕肉 $268咕嚕肉要拔絲要一定技巧，平時茶餐廳都有咕嚕肉食但冇乜邊間真系做得好。咕嚕肉外皮香脆可口，醬汁甜味令人不得不愛上❤️肉質偏向結實，拔絲效果好打卡😆✿ 黑松露手撕雞 $308好新派嘅中菜款式，手撕雞連外皮呈上，非常脆卜卜👍🏼手撕雞每啖充滿黑松露味🖤雞肉亦十分嫩滑。✿ 安格斯牛肉石鍋炒飯 $238安格斯牛肉真夠高級，表面系滿滿木魚，充滿日式風味。底下超多安格斯牛肉🐮肉味亦不俗，石鍋炒飯令炒飯好有鑊氣，加上啲飯焦脆脆夠正。