神虎麺商店

Open Now

Now Closed

灣仔拉麵店眾多，諗住得閒就試一間，總會試曬咁多間😆當日一虎落左場，黑龍排緊隊，趕時間關係最後行到嚟神虎等一枱就入得，一於就用神虎打頭陣開始呢個拉麵loop😆🔸神虎精選 $135比招牌神虎多咗份伊比利亞豬腩肉，係幾好食不過我覺得加埋就太多肉，因為呢間本身個叉燒都幾大塊又有少許厚度（雖然未到厚切）。另外就係配料都好給力，除左已有溏心蛋唔洗再加錢追加，基本的木耳、筍都有，仲有兩粒平時食拉麵唔會有嘅豬肉丸，整體嚟講個人認為唔要豬腩肉都已經好夠餸。湯底一樣係招牌豬骨湯，都幾夠味但印象中唔會有漿口感，整體算是正常發揮沒有驚喜。🔸海老虎 $103第一次幫襯因為唔想兩碗都係豬骨湯底想試多款而叫，呢款亦標榜係香港限定。蝦湯底會再重口味多少少，兩款相比個人更喜愛豬骨湯。配料方面呢碗唔包蛋要加錢追加，其他配料就一樣都有木耳、荀、豬肉丸，另外係多咗櫻花蝦。整體兩碗都正正常常幾好食，感想不大印象唔深刻，淨係記得好多肉😂平時食拉麵鍾意多肉嘅朋友可以考慮吓呢間。