西貢街頭越南牛肉粉

Open Now

Now Closed

Lunch time 經過克街都見到呢間舖有人排隊，貪得意都排嚟試下新嘢。可能新開舖冇幾耐，人手都有啲混亂，一開始將我哋張單同搭枱嘅人當咗同一張，上菜仲叫我哋要自己睇清楚😅細節位需要改善。生牛肉牛丸湯河牛丸彈牙，咬落有汁，味道唔錯。牛肉半熟偏粉紅就好食啦，因為個湯浸熟咗，留後食變到好「鞋」跟餐杯檸檬茶原來係用青檸，同個茶底唔太夾，建議餐牌要講清楚係青檸。同行友人加錢轉咗椰汁冰，但原來係椰汁冰沙，所以同平時嘅椰汁冰就有少少唔同。但都好重椰汁味，而且唔會越飲越淡。哈哈，但如果要排隊，就短期內唔會再食。