頭盤叫左生蠔同布拉塔芝士，生蠔都幾大隻，同埋都新鮮無腥味。另外布拉塔芝士都唔錯，最鍾意係佢下面酸酸地既homemade tomato sauce，味道清新得黎又好夾個芝士。
之後主菜叫左catch of the day、牛肩扒。catch of the day係一碟會有幾款唔同海鮮，例如烤魚、魷魚、蜆，佢份量都幾多，而且每樣都新鮮，同埋佢係有d似烤完再煮既感覺，因為佢無整到好乾身，而且食落會有d似蒸海鮮，同埋佢個底會有d海鮮既精華，飲落都幾鮮甜。整體味道著唔會太濃，而係著重本身既鮮味，但略厭有d部份煮得有點老。
另外依個牛肩扒叫左五成熟，外面封煎得唔錯，而入面質地唔算好軟淋，但食落又唔會話好難咬，而佢肉味算濃，調味都岩岩好，另外配左個滑身既薯蓉，整體都係值得叫黎食既～
最尾甜品叫左tiramisu，質地滑身，手指餅有濃濃咖啡香之餘唔會過濕，係一個有水準既tiramisu！
