Video
Read full review
2022-03-16
29 views
唔想食M字頭嘅快餐店，又嫌「5兄弟」太貴，咁呢間位於灣仔嘅漢堡店就岩哂你喇，充滿美式簡約風格嘅裝潢，開放式廚房同湖水綠磚牆嘅設計，加埋佢哋隻好得意嘅logo Bobby ，都幾適合打卡。雖然鋪面唔大，座位亦唔算多，不過對於快餐嚟講，最緊要都係講求食物快靚正佢哋主打嘅burger款式都多，🐮🐔🐟🐷呢啲基本野都有齊，而且都算足料，女仔食一個都夠哂飽，男仔食可能爭啲啲。🍔價格平均$50幾，最平嘅牛肉漢堡$28就有交易，未算好抵食，屬於中價水平。除咗burger，仲可以選擇熱狗，炸雞或者其他小食甜品。飲品方面，常見嘅汽水都有，可以自助任斟_➤Signature Chicken Burger 招牌炸雞漢堡🍔$50炸雞扒大大件，厚肉得嚟表皮香脆，咬落去仲好多肉汁，配上番茄、生菜同青瓜，加埋酸酸甜甜嘅蛋黃醬同甜芥末，口感好fresh，唔容易膩，推介👍🏻➤Bacon Double Cheese Burger 煙肉雙層芝士漢堡🍔$68切成細細粒鹹香嘅脆煙肉加埋兩層厚嘅牛肉漢堡扒，兩者同半溶嘅芝士互相交融，每啖都有好多肉汁，好食➤Skinny Fries 幼薯條🍟(套餐加$30，包括一杯野飲同一款小食)比
佢哋主打嘅burger款式都多，🐮🐔🐟🐷呢啲基本野都有齊，而且都算足料，女仔食一個都夠哂飽，男仔食可能爭啲啲。🍔價格平均$50幾，最平嘅牛肉漢堡$28就有交易，未算好抵食，屬於中價水平。除咗burger，仲可以選擇熱狗，炸雞或者其他小食甜品。飲品方面，常見嘅汽水都有，可以自助任斟
_
➤Signature Chicken Burger 招牌炸雞漢堡🍔$50
炸雞扒大大件，厚肉得嚟表皮香脆，咬落去仲好多肉汁，配上番茄、生菜同青瓜，加埋酸酸甜甜嘅蛋黃醬同甜芥末，口感好fresh，唔容易膩，推介👍🏻
➤Bacon Double Cheese Burger 煙肉雙層芝士漢堡🍔$68
切成細細粒鹹香嘅脆煙肉加埋兩層厚嘅牛肉漢堡扒，兩者同半溶嘅芝士互相交融，每啖都有好多肉汁，好食
招牌炸雞漢堡$50 / 煙肉雙層芝士漢堡$68
9 views
0 likes
0 comments
➤Skinny Fries 幼薯條🍟(套餐加$30，包括一杯野飲同一款小食)
比平時一般嘅薯條幼細，唔會太油，鹹度適中，但份量偏少，而且擺咗一陣都幾快變淋。如果唔鐘意幼薯條，可以選擇粗薯條，有口感啲
➤K-pop Chicken 韓式炸雞🍗$25
細細粒無骨唔太鞋，炸皮亦唔會太厚食落口成堆炸粉咁，但外邊層皮被啲醬整到稔左，唔得香脆，而且醬汁都麻麻，唔辣又唔算好韓式，唔太推介
幼薯條(+$30) / 韓式炸雞$25
7 views
0 likes
0 comments
_
🍽味道指數:★★★☆☆
📷環境指數:★★★★☆
🛎服務指數:★★★☆☆
💰抵食指數:★★★☆☆
😋推薦指數:★★★☆☆
📍Boy N Burger
灣仔莊士敦道206-212號208 Johnston地下3號舖
Post
