Boy n Burger (Closed)

灣仔美式burger----- Boy n Burger📍 灣仔莊士敦道206-212號208 Johnston地下3號舖裝修係薄荷綠同黃色，入面唔大，全部都係圓櫈，坐就唔會舒服得去邊，自助落單同埋取餐，就係食快餐嗰種感覺🤣雙層BBQ芝士漢堡$55+$35套餐漢堡入邊有2塊牛肉，唔算太厚，呢度2塊可能等於人哋1塊左右，不過牛肉味好重，完全唔會話比啲BBQ醬搶曬味，加埋酸青瓜同洋蔥，食到好滿足😚套餐汽水轉奶昔 額外加$25士多啤梨奶昔飲落啲味有啲似麥當勞🤣不過士多啤梨味重好多，似係用新鮮士多啤梨整出嚟，但係外觀上曲奇奶昔望落靚好多🥺有層cream係面仲有啲曲奇碎。芝士漢堡$38比較經典嘅一款漢堡，有生菜蕃茄芝士酸青瓜，塊牛肉片都係一樣好重牛味，啲配料可以中和返，食落冇咁滯。芝士辣肉醬熱狗$40有啲人唔想食牛肉就可以揀呢款🤣熱狗食落去一樣咁滿足，滿滿嘅肉醬同埋芝士，仲有我本身超鍾意食嘅墨西哥辣椒😍😍呢一個包真係好啱我～套餐薯粒其實好似麥當勞薯餅咁嘅細粒版，更加脆更加好食，好容易就會令你食唔到，仲要唔係周圍都有。