鮨鶴日本料理 (Closed)

近來有了愛吃廚師發辦的喜好，喜歡尋覓各區高質omakase，今晚去左試灣仔的鮨鶴，地點就在我曾經留下多條腳毛的謝斐道南記粉麵旁邊！是夜的omakase有三款，我吃的是中價$1200丹楓，即15種加卷物。我數口差，食完食整餐，覺得唔止15種。其實係點計架呢？先付有冷豆葉，即是腐皮，但好滑好香豆味，仲有天然的清甜。冰海螺，好爽口！仲有燒螢光魷魚，同北海道蕃茄。冷豆葉太香滑吸引，未影相就被我食左刺身方面有北海道真蠔，蠔身爽厚，加左小許酸汁好食。粒貝，赤貝新鮮爽口。另外有金目鯛，平政魚，酒盗白蝦，真鯛白子(魚春)。當中的白子係難得一見，難得一試，因為每年初春先有！然後來的是燒帶子夾海膽，再用超脆的紫菜包著吃 ！好香口！壽司有金鯛，深海池魚，牡丹蝦，拖羅，鰹魚，醬油赤身，吞拿魚蓉手卷同北海道馬糞海膽壽司，全部經師傅調味，唔需要再自行加味。湯是用了多種魚熬煮的魚湯，仲加左大量鯛魚片，煲左湯的魚片仲好滑。甜品是柚子味雪芭同哈蜜瓜。雪芭幾甜，反而哈蜜瓜就冇乜味道。比較失望的是，由於食客眾多，是夜未能獲安排坐在師傅枱前。