Blend & Grind

Open Now

Now Closed

農曆新年好多食肆都冇開，前幾日同朋友到訪灣仔日月星街食午餐。見到呢間都有唔少人喺度，一於試吓先<牛扒薯條三文治> $168呢個牛扒薯條三文治份量都幾大，牛排切成條狀鋪喺三文治入面，薯條咁啱冇曬轉咗做薯餅，牛扒煮得啱啱好，略嫌比較多筋位，沾點伴上嘅醬汁，味道酸辣，食落清爽<手撕豬肉班尼迪克蛋> $158班尼迪克蛋呈流心狀，輕輕切開就流出蛋汁，手撕豬肉份量唔少，豬肉絲帶辣味，但幾惹味，中間有大量牛油果，可以中和辣味<朱古力香蕉班戟> $118香蕉表面有一層燒得香甜嘅焦糖，班戟上面有兩支朱古力醬，客人可以因應需要自行調整，中間有三層班戟並加上咗奶油，班戟加埋奶油食落就唔會乾身