一蔵酒場 (Closed)

灣仔碼頭新開啲日式餐廳，今日終於有機會同同事黎試試。一藏餐位都係沿著窗邊，可以一面食嘢一面觀賞海景，好有情調🥰前菜我地嗌咗牛蒡漬、酒清雞肝 同山葵八爪魚。牛蒡漬好爽脆，味道咸咸酸酸幾開胃！雞肝可能係酒醃過嘅關係，唔會腥仲多份鮮味，而八爪魚口感亦一流。七味魔鬼魚翅干口感有少少似食緊魷魚干但更煙韌一點，配搭沙津醬一齊食，讓人不自覺一口接一口。燒蠔上菜時生蠔仲保留咗滿滿嘅水份，蠔肉飽滿又juicy，燒得啱啱好~串燒盛會盛會有蕃薯仔、雞翼、雞肉、牛舌、冬菇同青椒，樣樣都有啲，啱晒咩都鐘意食下嘅我地☺ 最鐘意嘅佢係蕃薯仔，又甜又粉！雞肉點附送嘅蛋黃食味道更加分~沖繩豚肉丼蛋煮得半熟啱啱好，完全做到流心效果。豚肉好香好入味，而且帶點油醬，混合日式醬汁同飯一齊食味道啱啱好！