軒寧樓 (Closed)

軒尼詩道又開咗新餐廳，餐廳位於軒寧大廈，同時以大厦命名為軒寧樓。主打粵菜，裝修融合工業風，食物款式同做法可以話喺新派與傳統兩者兼備。.茶芥$12 ，晚市小食$20一碟。.📍燕麥金沙蝦球（$168）Salted Egg Prawn蝦球一客4件，相當大嚿👏🏻份量真係唔惹少😬，絕對係真材實料嫁。外層包住一層鹹蛋黃🧡同燕麥片再以高溫油炸🔥。食落非常惹味💯，肉質鮮甜又彈牙，推薦‼️ .📍蜜椒薯仔牛柳粒（$128）Honey Beef Cubes with Potato呢個薯仔牛柳粒都幾好食👍🏻，牛柳粒肉質軟腍🐃，薯仔炸過夠香口🥔，再喺表面加上蜜糖🍯就更加出色‼️份量都唔算少，薯仔同牛柳粒切得又夠大件，唔錯！.📍金不換十香骨（$118）Pork Ribs with Thai Basil 🐖豬肋骨已經煮到腍晒，連婆婆都食得到，高壓煲煮到啲軟骨都食得落肚，充滿膠質。加上金不換做香料，獨特嘅香味令到成道菜式更加好食😋！.呢間嘅中菜都唔錯，味道好份量亦夠公道，價錢雖然唔係特別平嗰啲，但係質素有返咁上下，大時大節要一家人慶祝又鍾意食中菜嘅話呢間都可以試一試。