Video
Read full review
2023-12-03
35 views
-聽聞灣仔會展站海港中心開左一間新嘅「茶星人」👽，今日岩岩好約左屋企人喺附近食飯，於是一同前往享受飯後茶飲時光💕今次佢哋推出左多款特調飲品，每一款都好想試😍我地最終嗌左三款唔同系列：🫧 黑糖波霸厚芝奶（700ml $38）📝評分：9/10平時我飲奶茶類飲品都嗌開半糖，但呢一款完全唔需要，原本嘅甜度已經恰到好處。奶味濃郁，配搭厚厚嘅芝士奶蓋同大大粒珍珠，比例剛剛好，可以飲晒所有材料～雖然係凍飲，但唔多冰塊，好良心👍🫧 手工芋泥烏龍鮮奶（700ml $38）📝評分：9/10鮮奶同芋泥一直都係perfect match，但整得好飲卻又好考功夫。呢杯嘢飲入面嘅芋泥口感細膩順滑，又可以嚐到芋頭嘅少少顆粒感，真材實料，十分滿足😌鮮奶香醇濃郁，平時好少飲鮮奶嘅我都忍唔住飲晒成杯🙈🫧 RedBull芝芝百香蘋果（700ml $38）📝評分：10/10呢杯特飲屬於佢哋嘅聯乘系列，係最出乎意料嘅一款～第一次飲Redbull溝其他材料嘅飲品，冇諗到咁夾。第一啖RedBull嘅味道衝擊味蕾，再黎就係百香果嘅香氣蔓延開，加上淡淡嘅蘋果清香🌿攪勻之後再飲，鹹香芝士奶蓋昇華左成杯嘢飲，連Auntie都飲到讚不絕口🥰
聽聞灣仔會展站海港中心開左一間新嘅「茶星人」👽，今日岩岩好約左屋企人喺附近食飯，於是一同前往享受飯後茶飲時光💕
今次佢哋推出左多款特調飲品，每一款都好想試😍我地最終嗌左三款唔同系列：
🫧 黑糖波霸厚芝奶（700ml $38）
📝評分：9/10
平時我飲奶茶類飲品都嗌開半糖，但呢一款完全唔需要，原本嘅甜度已經恰到好處。奶味濃郁，配搭厚厚嘅芝士奶蓋同大大粒珍珠，比例剛剛好，可以飲晒所有材料～雖然係凍飲，但唔多冰塊，好良心👍
🫧 手工芋泥烏龍鮮奶（700ml $38）
📝評分：9/10
鮮奶同芋泥一直都係perfect match，但整得好飲卻又好考功夫。呢杯嘢飲入面嘅芋泥口感細膩順滑，又可以嚐到芋頭嘅少少顆粒感，真材實料，十分滿足😌鮮奶香醇濃郁，平時好少飲鮮奶嘅我都忍唔住飲晒成杯🙈
🫧 RedBull芝芝百香蘋果（700ml $38）
📝評分：10/10
呢杯特飲屬於佢哋嘅聯乘系列，係最出乎意料嘅一款～第一次飲Redbull溝其他材料嘅飲品，冇諗到咁夾。第一啖RedBull嘅味道衝擊味蕾，再黎就係百香果嘅香氣蔓延開，加上淡淡嘅蘋果清香🌿攪勻之後再飲，鹹香芝士奶蓋昇華左成杯嘢飲，連Auntie都飲到讚不絕口🥰問左先知，原來Auntie一早就已經係「茶星人」嘅Fans☺️
🪐呢間鋪頭我絕對會再次探訪，因為仲有好多令人驚喜嘅飲品未試呀～！好想飲晒每一款😽🫶🏻
Post
