醒 (Closed)

之前返工經過見到呢間外賣小店想試好耐，weekend近近地行過去買外賣返屋企食就算，店鋪雖小但食物方面都好多選擇，朝早會有三文治套餐，午市會有意粉set，而且提供多款特色飲品，花多眼亂唔知點揀好，店主好細心咁解釋有咩推介，餐廳名讀「醒」SENG2，想提醒香港人每日食完佢地既食物之後可以醒住咁返工同醒住做野，好有意義～🌟雞肉凱撒沙律 ($55)返工成日坐最啱食啲健康野，揀左個凱撒沙律，佢地既煙肉係自家烘過既，雞肉又好juicy，好有誠意😊👍🌟喇沙意大利粉 ($78)平時食喇沙湯麵就食得多，喇沙做意粉汁真係未見過，辣辣地帶椰汁香味，配料有雞蛋、魚片同豆卜，夠哂惹味🌟芝士巴東牛肉墨西哥夾餅 ($78)呢款墨西哥夾餅都係即叫即整，餅皮煎都好香脆，夾住辣辣地既巴東牛肉，仲要做到爆餡既效果，超好食🌟海鹽焦糖瑪琪朵 ($42)🌟洛神花檸檬水 ($36)餐廳主打多款特色飲品，有好多都係市面比較少見既，例如鮮橙啡、話梅啡，另外有加入港式元素既鴛鴦，茶底可以揀伯爵茶或者烏龍茶，今日我就揀左呢杯岩哂打卡既海鹽焦糖瑪琪朵同洛神花檸檬水🌟芒果椰汁奇亞籽杯 ($32)甜品揀左個芒果椰汁奇亞籽杯，芒果香甜又多汁，奇