泰園 (Closed)

之前嚟過灣仔分店食LUNCH，今晚就嚟試下佢哋個DINNER惦唔惦，先食泰式生蝦，大大隻又夠厚肉又爽，用生猛海蝦製成，個生蝦汁夠晒酸辣。泰式生瀨尿蝦，泰園獨有，每次嚟都一定要食，生瀨尿蝦嘅鮮味真係唔係其他海鮮可以相比，一試難忘。蒜蓉牛油雞翼，蒜蓉牛油味極香，雞翼皮夠晒脆，食到停唔到口。泰園秘製豬手，秘製滷水汁係非常好味，有別於我地中式，豬手炆得又淋又入味，真係要加兩碗白飯先得。燒珍寶老虎蝦，呢個就做得OK啦，燒得乾身咗D，好在個酸辣汁搭夠。香葉肉碎炒飯，我地點加辣版，好香辣惹味，面頭隻半生熟煎蛋嘅蛋黃就更加係精髓。好飽好飽，質素，份量，服務都 KEEP得好好。