in:joi

Open Now

Now Closed

灣仔呢間cafe一入門口有幾層嘅石級，可以坐係喥同有隻人咁高既巨型熊仔影相打卡。介紹返啲食物先明太子海膽汁蟹肉意粉，超級多蟹籽同蟹肉，加埋淋上明太子海膽汁係面，真係好夾。港式菠蘿酸種包配鵝肝牛油，菠蘿包以天然酸種發酵製成，表面餅乾層酥脆，麵包層鬆軟，中間配上厚厚嘅自家製鵝肝牛油，口感香軟，呢個菠蘿包保留咗港式茶餐廳嘅經典風味，同時注入新元素，超有驚喜。港式奶茶焦糖燉蛋將港式經典奶茶同法式焦糖燉蛋完美結合，配上茶餐廳常見嘅黑白淡奶杯，敲碎脆薄嘅焦糖，底下有濃郁香醇奶茶味嘅燉蛋，口感細滑，必食。花生巧克力鹹焦糖，餐廳嘅酸種麵包全手工製，鬆軟煙韌，貝果內餡有巧克力，花生醬同鹹焦糖，鹹甜交織出豐富嘅層次。焙茶貝果，入面有日本北海道嘅紅豆同煙煙韌韌嘅麻糬，好特別。巧克力咖啡嘅巧克力味道非常香濃，咖啡好幼滑。