Poke Go (汕頭街)

Open Now

Now Closed

夏天就到，有時都想食得清爽啲，唔洗食好飽肚/好漏既食物。今次👧🏻就同朋友喺灣仔搵咗間食夏威夷海鮮蓋飯既餐飯 - Poke Go！🌟SHAKA朋友就揀咗佢地既Signature Bowl （唔洗自己諗有咩配搭👍🏻）- SHAKA，有齊三文魚、菠蘿粒、温室青瓜、雞蛋絲、炸牛蒡、芝麻、辣椒碎，醬汁就係辛味蛋黃醬。三文魚夠曬肥美新鮮，配埋多汁既菠蘿🍍、一大球香脆既炸牛蒡片、辣辣地又Creamy既辛味蛋黃醬，味道同口感都非常豐富 🌟 Build Your Own Bowl👧🏻就揀咗BYOB，自己Mix and Match！配料就揀咗八爪魚🐙、枝豆、粟米🌽、芝麻海帶、雜菌香菇🍄‍🟫，果仁芝麻醬配珍珠醋米+沙律菜。八爪魚唔會太韌但不失咬口，而芝麻海帶香氣四溢又有啲爽口。最鐘意食Poke係選擇好Flexible，唔想食咁多飯想食多啲菜，又可以揀兩拼食埋沙律菜。🌟 和風炸雞餐廳都有提唔少小食選擇，和風炸雞係炸雞上放上木魚碎，醬汁就係芥末乳酪醬。🌟 牛油果奶昔呢到既牛油果奶昔感覺上都幾健康，甜度頗低（個人認為岩岩好👍🏻），奶味濃郁，夠Creamy！