一起食堂 (軒尼詩道) (Closed)

食台灣菜，必嗌鹽酥雞同牛肉麵。今次見到餐牌特色菜有黑糖豬軟骨，都一起嗌來嘗試。紅燒三寶牛肉麵102HKD牛肉麵麵底用烏東代替白面，更加入味同Q彈，有牛展、牛肋條、牛肉丸，份量足。牛肉丸有爆汁效果，勁好味🤤黑糖豬軟骨飯 82HKD對比一般既豬軟骨，呢度既軟骨偏冧身，味道偏甜，奉送溫泉蛋、紅薑片解膩，令到整體味道平衡。鹽酥雞 48HKD鹽酥雞一份好大份，完全可以三四個人一起share。入口表皮酥脆，內裡雞肉多汁，好味👍嘢飲我地嗌左仙草熱奶茶28HKD同愛玉鳳梨綠茶28HKD，味道都OK