一起食堂 (軒尼詩道)

台灣最出名就係紅燒牛肉麵同埋佢啲傳統台式小食，每次去到台灣旅行嘅話都一定要品嚐吓佢嘅台灣風味，而家就算唔需要去到台灣都可以試吓食啲傳統台灣嘢食啦🥳 「一起食堂」喺香港有三間分店，係灣仔、中環同埋觀塘，佢主打台式小食，門口嘅裝修好有特色，價錢非常之合理，唔好錯過佢啲台式飲品啦🤩

花雕麻油雞肉麵 🍜
第一次試花雕味嘅麵，佢呢個調味整得好吸引，如果鍾意食花雕雞嘅話一定超鍾意，雞肉都非常之嫩滑，值得一試👍

花雕麻油雞肉麵

紅燒牛肉麵 🍝
呢個就係招牌嘅紅燒牛肉麵，佢牛肉份量超足夠，湯底都整得幾濃 💯

紅燒牛肉麵

府城蝦卷 🍤
小食方面就試咗呢個蝦卷，佢個外皮好薄脆，新鮮炸出嚟好好食🤤

府城蝦卷

肉燥燙青菜 🥬
另外都叫咗一個肉燥配生菜，生菜好新鮮，加埋少少肉燥都幾好食

肉燥燙青菜

凍茉香綠茶 ☕️
飲品方面除咗奶茶之外都有綠茶，凍嘅話可以揀無糖或者半糖 ，我就揀咗半糖冇咁甜🤭

凍茉香綠茶

熱白桃烏龍茶 ☕️
如果想飲啲熱嘅台灣茶嘅話會推薦呢個，佢個茶包超大個，飲完第一杯之後可以問職員加熱水，第二杯都仲有好香濃嘅烏龍茶味👍 都帶有好香嘅白桃味 🍑