星期三朝早同同事開會開到癲咗😵，搞到冇時間食晏，就決定轉場去尖沙咀嘅星海飲個下午茶！呢度個場地好闊落，採光好好，仲有個戶外露台可以出去吹下風🌬️。坐得幾舒服，最正係唔限時，可以同同事慢慢傾計，啱晒我哋呢啲打工仔。商場仲有免費泊車，超方便！仲有盆菜全年供應 !
➡️南翔灌湯小籠包 評分：👏🏻👏🏻👏🏻👏🏻
皮薄餡靚，一咬落去啲湯汁就爆出嚟，肉餡都幾新鮮，食落口好滿足。
➡️招牌胡椒濃雞湯灌湯餃 評分：👏🏻👏🏻👏🏻👏🏻
呢個湯底胡椒味夠晒突出，飲落暖笠笠🔥。隻餃好大隻，入面嘅餡料都好足，同個湯好夾。
➡️原隻鮑魚燒賣皇 評分：👏🏻👏🏻👏🏻👏🏻👏🏻
成隻鮑魚仔喺燒賣上面，賣相好得體！鮑魚口感彈牙，下面嘅豬肉燒賣亦都好紮實，食得出係誠意之作。
➡️芝士奶皇蘿蔔仔 評分：👏🏻👏🏻👏🏻👏🏻
造型勁得意，真係好似個蘿蔔仔🥕！外層炸得脆脆地，入面係流心芝士奶皇餡，鹹鹹甜甜咁，幾特別。
➡️蠔皇原隻十頭鮑魚酥 評分：👏🏻👏🏻👏🏻👏🏻👏🏻
酥皮做得好鬆化，一咬就散開，蠔皇汁嘅味道好濃郁，加埋隻十頭鮑魚，口感層次好豐富，呢個做得唔錯！
星海嘅下午茶點心真係唔錯，全部都係手工點心，食得出心機👍🏻。茶芥每位$18，價錢合理。聽講呢度仲係星級婚宴場地，又可以俾公司包場搞活動，個場咁大咁靚，都幾啱。同同事喺度過返個下晝，叉足電再返去做嘢！
