BnR (Closed)

行荃灣廣場見到大壩街成條街都係餐廳當中呢間新開嘅粉麵舖係木系清新裝修環境同服務都唔錯新開嘅又乾淨企理舖頭主打鮮魚湯同濃雞湯健康啲清淡啲可以成碗湯飲晒嗰種嗌咗藥膳花膠雞淮山麵同胡椒豬肚雞泡飯睇返menu其實湯底同麵底可以隨意配搭淮山麵口感好好屬於偏硬身嗰種藥膳湯唔會好濃嘅藥材味泡飯係粒粒分明唔係煲到爛晒淋晒嗰種重點推介返啲雞係我覺得最抵食嘅嘢每碗都有五舊以上而且好嫩滑小食有款炸蜜瓜奶🍈好得意同紙包嗰隻味一樣完全冇分別上枱熱辣辣一定係即叫即炸下次再去想試吓冬蔭公湯同釀魷筒除咗整體體驗唔錯之外最開心係荃灣又多一間食米線嘅舖頭我夜晚八點去仲見到全店滿座希望呢區可以繼續百花齊放🌸🌸