哈豆

Open Now

Now Closed

今日尼到哈豆富利店，發現佢同其他既台式餐廳味道確有不同，真係台灣風味呀！現場都好多人去食，一坐低即刻睇menu. 我地主食叫左個豪華刀客牛肉湯麵。聽個名都好有氣勢，佢有兩款牛，煮得好淋好香肉味。牛肉湯好濃郁，飲得出既真材實料。另外叫左鹹酥雞沙茶乾拌麵。本身係配和牛薯餅，如果都係唔啱，可以揀配台灣腸仔。個麵睇落平平無奇，原來有驚喜喎！撈沙茶醬食面真係第一次，但味道又幾夾，面條煙煙韌韌，沾上沙茶醬再配上雞件，唔錯！小食就尼左個乜都有既炸物拼盆，全部熱辣辣新鮮炸好，薯角沾上梅粉，又係第一次咁食法有貢丸、花枝丸，全部都好食。台灣腸，同炸甜不辣更好係無得輸呀！飲品叫左水果茶同埋鮮榨檸檬椰果多多，兩款口味都好清新呀！壓軸仲有甜品：朱古力脆片厚吐司，朱古力醬完全唔吝嗇！查到厚厚的，又係有驚喜，配埋三球雪糕，為今餐完美作結！P.s. 餐廳水仲有好多影相位，牆身畫左各個台灣名勝既圖畫，當自己遊左一轉台灣啦！