札幌拉麵 Miso No.1 x 辛味屋

Open Now

Now Closed

平時響鑽石山荷里活廣場食飯都好頭痛，因周圍都排長龍，所以今日特登早啲食晚飯，6:00 已去到，見到有間札幌拉面店，難得仲有位，隨即入內食，叫左個二人套餐$198，包括自選兩個主食，可選拉麵或飯、三款小食。第一款主食，叫了豚肉拉麵，拉麵麵質彈牙， 湯底濃郁，略嫌多了油份，但勝在夠味、落足料去煮既濃湯底，令麵條沾滿味，豚肉醃過夠稔身，粟米粒夠多夠甜，還有大量海帶。第二主菜叫了鰻魚飯，有大半條鰻魚，厚肉，醬汁味十足，醃夠味的燒鰻魚撈埋飯食份量啱啱好。而三款小食揀了煎餃子，有六隻夠大隻，份量都幾多！餡料以豬肉餡料加少少菜泡製而成，煎得香脆，另一款叫了出名的炸南瓜忌廉薯餅，好creamy , 炸至外身鬆脆，沾上沙律醬一絕。第三道小食係魷魚鬚，用醃味醬汁炒過，魷魚煙韌，有鮮魷魚甜味。仲不時加添麥茶，服務很好呀！臨走時門外又企滿人了，幸好今次早到咋。