首先環境唔錯既 濃厚既泰國風情
暗暗地都幾有feel😂
但地下就好跣 要步步為營
加上有好多級樓梯要行
所以小朋友同老人家會唔太方便
.
食物方面
泰式蝦炒金邊粉$108
😯😯份量都幾多下 啲味道都幾貼近係泰國食
麵質又唔會太濕又唔會太乾👍🏻
仲想講佢啲青檸超多汁 好正
.
串燒（6串）$88
牛·豬·雞 各二
佢贏左係個汁到👍🏻👍🏻
肉質就正常發揮 唔乾身 同埋都幾厚肉
.
泰式凍奶茶$38
幾好飲 不過唔重茶味 奶味會香啲
但整體都唔錯既 會有淡淡既香料味
.
綠豆沙冰$38
呢杯野出奇地好飲 好解渴
啲冰都整得幾碎下 唔錯
因為我麻麻地鐘意食到有冰粒
都推介 可以試下叫😋
.
芒果糯米飯$68
首先我係‘反椰人士’😂😂好抗拒
我為左朋友就試試佢😂
佢既椰汁唔重 如果想食椰汁既人 應該幾失望
似係椰汁加花奶咁 結身 但我就一般般
佢有分兩種糯米 一種係普通 一種係黑糯米
黑糯米有咬口 普通果隻就綿口啲
芒果好甜 唔酸
自行決定叫唔叫啦😝
.
埋單$374（加埋一）
