Video
Read full review
2020-09-05
10978 views
最近人氣好高嘅牛大人喺尖沙咀開新分店，呢一晚我大約六點去到，餐廳都差唔多坐滿人，本身諗住打電話預約，都book唔到🙈好彩可以準時放工！我哋揀咗中等價位，美國S R F極黑牛放題套餐，每位$248。牛肉主要包左安格斯特選牛板腱美國S R F極黑牛肩胛肉眼。其他配料、飲品任食任飲！通常一坐低打邊爐，就會去拎嘢飲，呢度嘅飲品選擇十分之多，有呢款好有心思嘅樽裝茶飲，樽上面印咗品牌名牛大人！叫咗雙拼湯底，香濃牛乳起司鍋、牛大人秘製麻辣鍋（小辣🌶），牛乳起司鍋，越食越濃郁，真係會食到有芝士味。依個麻辣鍋我哋嗌小辣，估唔到都好辣🌶🌶我喺出面自助配料區，有好多選擇，而且當中有好多台灣特有嘅小食，我想講佢出面嘅配料吧嘅雪櫃好夠凍，啲食物都好新鮮，見到有人不停refill，抵讚。其他食物就用手機落單 。講吓佢呢兩款特選牛肉先，望落都真係好靚，肥瘦均勻，唔會得啲肥膏，而且佢有一定厚度，食落口肉質好掂，唔會一食落口咩都冇嘅感覺。講吓啲海鮮，主要有蝦，沙白，鱸魚片，都好新鮮，估唔到啲沙白咁大隻，我哋叫咗幾次😆另外要推介佢嘅手打魚漿，蝦膠，牛肉，墨魚滑等等。佢有一款叫做干貝鮮魚漿，粒粒干貝好好食！自助配料吧出面，
我哋揀咗中等價位，美國S R F極黑牛放題套餐，每位$248。牛肉主要包左安格斯特選牛板腱美國S R F極黑牛肩胛肉眼。其他配料、飲品任食任飲！
通常一坐低打邊爐，就會去拎嘢飲，呢度嘅飲品選擇十分之多，有呢款好有心思嘅樽裝茶飲，樽上面印咗品牌名牛大人！
叫咗雙拼湯底，香濃牛乳起司鍋、牛大人秘製麻辣鍋（小辣🌶），牛乳起司鍋，越食越濃郁，真係會食到有芝士味。依個麻辣鍋我哋嗌小辣，估唔到都好辣🌶🌶
我喺出面自助配料區，有好多選擇，而且當中有好多台灣特有嘅小食，我想講佢出面嘅配料吧嘅雪櫃好夠凍，啲食物都好新鮮，見到有人不停refill，抵讚。其他食物就用手機落單 。
講吓佢呢兩款特選牛肉先，望落都真係好靚，肥瘦均勻，唔會得啲肥膏，而且佢有一定厚度，食落口肉質好掂，唔會一食落口咩都冇嘅感覺。
講吓啲海鮮，主要有蝦，沙白，鱸魚片，都好新鮮，估唔到啲沙白咁大隻，我哋叫咗幾次😆
另外要推介佢嘅手打魚漿，蝦膠，牛肉，墨魚滑等等。
佢有一款叫做干貝鮮魚漿，粒粒干貝好好食！
自助配料吧出面，有台式肉操飯，不過食落有啲鞋，如果想試嘅話可以食一啖🤣
手機落單仲有台式小食，例如係甜不辣、台灣香腸，我哋食過就有啲普通，唔夠熱。
除咗出面嘅自助飲品，手機落單有其他飲品，我哋試咗烏梅汁同埋椰果金橘檸檬，不過都偏甜，我反而鍾意頭先嗰樽茶。
差唔多買單嘅時候店員會比張紙仔你叫甜品，餐廳一啲都唔吝嗇，竟然有Movenpick，有三個口味選擇，限定口味、朱古力、雲呢拿，另外仲有台式仙草凍，味道都OK！
埋單每人$270 ，因為新開張有八八折，食物高質坐得舒服，我哋一路食一路讚不絕口😝😝
走嗰陣見到佢有午餐，有定量午餐或者係90分鐘放題，都好吸引，決定下次要再去食😛😎
Post
