Soho Spice (Closed)

呢間真係不得了！經朋友介紹先知，呢度食飯，原來咁正！Lunch Set 係中環半山蘇豪 $88up 唔貴，食物選擇多，份量大，而且每樣都超好食，會好想試晒咁多個Lunch Set！座位多，效率高，服務好，真心一定會介紹多D朋友黎食！酥炸雜菜天婦羅，炸功無可挑剔！驚喜嘅係連菜都可以咁好食，西蘭花就最為出色。炸蝦都水準高，唔會蝦細隻炸粉過多，每人兩隻份量合理。生菜包就好清新開胃，牛肉又嫩唔多根。認真大碟，食完都開始飽。香濃泰式青咖哩，配香茅豬頸肉。呢個飯係炒飯底，汁、豬肉、配菜都有好多，非常足料，味道不錯，食到飽晒都值得食晒個飯。