亞蘇爾 (新城市廣場) (Closed)

喱間嘢只係開咗幾日, 今日放工老公問係未去試, 話唔多人等位, 咁未試吓囉。裝修就現時商場嘅裝修, 企理嘅, 但無特別, 都係講返啲食物啦。1) 藥饍雞湯米其實一直都唔知澳門係未有出名嘅藥饍料理, 但一入門就聞到好香嘅藥材味, 唔理三七二十一, 叫咗先。藥材味有, 而具好味嘅, 但偏鹹, 可以改善吓咁會好啲。2) 唔記得乜乜沙甸魚鍾意食沙甸魚, 因為可以連幼骨一齊食, 補充返鈣質, 而且整得唔乾身, 唔錯, 唔錯, 個醬有少少辣味, 好吊到啲魚味出嚟(咁細條魚, 唔係覺得勁鮮呀?😂)3) 燒乳豬皮夠脆, 有豬味得嚟唔太騷, 而且有少量蔬菜消膩, 仲有炸薯角添, 好夠熱, 正。但唯一就係份量少, 仲要好薄身。整體嚟講都會返兜嘅, 因為仲有其他嘢想試, 希望下次嚟時唔會退步啦。