🍔日式芥末醬牛前腩漢堡 $95
配鮮切雜菜絲及日式芥末醬。牛前腩質感比平時食嘅漢堡唔太一樣，較有咬口但又唔會乾身，牛味都幾香。芥末醬香氣濃厚，帶點辣，幾惹味。剛好雜菜絲爽脆口感，同醬汁平衡到，整體唔會有油膩感。
🍔特級松露醬牛前腩漢堡 $100
配炒本菇、鮮切綠毛菜及特級松露醬。好鐘意個松露醬好香好creamy，加上炒香嘅菇，整體好juicy又口感豐富。配上濃郁嘅漢堡，令人回味🥰👍🏻
🍟脆薯條、脆薯角🥔
兩款都炸得香脆，份量唔少。我揀咗BBQ醬同埋海鹽香辣粉。BBQ甜甜辣辣，係有誠意嘅味道🤣。海鹽香辣粉好夠勁又辛辣，係惹味嘅，一邊食一邊忍唔住打乞嗤😂
🍋有氣檸檬水lemonade
甜甜酸酸，解油膩感，清爽又開胃。好飲～而且唔使另加錢依點好好。
