大將 (Closed)

大將 - 澳洲和牛牛小排火鍋放題 今日介紹一間位於將軍澳的火鍋放題專門店，一人一鍋任食形式，最近天氣咁凍就岩哂！澳洲和牛牛小排火鍋放題 $368總共有五款級別嘅套餐，由最貴嘅日本北海道和牛，到最經濟嘅伊比利亞五花肉，豐儉由人，時間90分鐘至120分鐘按唔同嘅套餐而定，我哋就叫咗第二級別嘅澳洲和牛牛小排。打邊爐之前，自助區有唔同嘅小食例如炸雞、關東煮，而且有唔同嘅涼拌小菜，自助式嘅飲品櫃，爭取時間嘅話仲可以食咗雪糕同埋窩夫先添。湯底就非常多選擇，足足有成10款咁多，而且最近仲有限定嘅羊腩煲同埋和風舞茸菇野菌湯。除咗澳洲和牛任食之外，自助區有多款丸類選擇，仲可以任叫海蝦、花膠等等嘅海鮮食材。