熊本燒肉

Open Now

Now Closed

銅鑼灣想搵間抵食嘅燒肉店真係選擇唔多，今次搵到依間《熊本燒肉》就以日式動漫為主題嘅日式燒肉店。牆上貼滿日本動漫嘅海報，仲有日本傳統燒肉店常見嘅白色燈籠。真係有啲似去左日本咁。今次係周末時間去到，就叫左佢地嘅精選熊本放題 $338，見到+$38就可以升級埋澳洲和牛，咁嘅價錢梗係升級埋佢。出乎意料嘅係佢地嘅吸油煙機好強大，食完都唔會成身油煙味。至於肉類方面, 首選當然係澳洲M5和牛。油脂分布好平均，色澤鮮紅色，肉質鮮嫩，食落又多肉汁。如果想食肉味比較濃嘅部位，咁就可以叫封門柳同埋牛板腱，脂肪比例比較少，所以牛肉特登濃。除咗肉類之外，海鮮首推海蝦，大大隻嘅海鮮，燒完之後呈鮮橙色，食落好新鮮。另外蜆湯都唔錯，食落一啲沙都冇。生果方面當然要叫菠蘿，燒完之後特別香甜。飲品方面除咗平時常見嘅汽水之外，仲有自家製嘅茶。叫一jar 清香茉莉花茶，特別可以解除燒肉嘅油膩感。