佐賀山田 · 涮涮鍋 (Closed)

康怡廣場的日本火鍋放題店，最近七月做緊優惠，第二位半價，見性價比都幾高，所以去試吓!火鍋配料應有盡有，有多款唔同嘅配料選擇。而且飲品、甜品都係任飲任食！蔬菜都幾新鮮，而且仲有白飯！在入座之前先選擇湯底，胡椒豬肚湯入口辛辣，昆布湯味鮮可口！今次試咗澳洲保樂牛放題，另外仲有美國牛肩肉、牛五花選擇！保樂牛薄切，牛味十足，食落啖啖肉，實而不華。牛五花充滿油脂香。美國豚肉肥瘦平衡得好，不會過多肥肉。肉質鮮嫩可口，對得住價錢。放題約90分鐘，餐廳好快已經滿座。但係因為人多，配料都refill 得好快，保證新鮮! 適逢做緊優惠，就更抵食！