張公館花園 (Closed)

實在太耐無見朋友了，相約食飯談近況，大家都鍾意食潮州菜，就來了這間新開無耐嘅張公館花園餐廳環豐都好舒適，出面仲有露天位仲做緊1664白啤優惠，每叫2杯就送一隻紅燒乳鴿，啤酒夠哂冰凍好爽乳鴿外皮香脆，入面仲好肉嫩，肉汁仲keep到喔，非常惹味太極護國菜係湯羹，用了豆腐及綠色蔬菜做成鴛鴦，就好似太極圖案咁，好口比較清香，都唔錯小食冷盤係凍馬友再配普寧豆漿，馬友好新鮮渣魚肉又嫩滑，用嚟點魚嘅豆醬好夾，令魚味更出再來兩款用蕃茄滑蛋做配搭嘅牛肉及蟶子，用上新鮮蕃茄做成嘅蓉好香生，滑蛋好嫩，用嚟配鮮甜蟶子簡直美味另一款就配牛肉，熟度恰到好處，牛味都重又夠嫩，2款我都喜歡冬天飲個胡椒豬肚湯就啱哂，夠哂暖胃，豬肚煲到好腍好正，仲有酸菜好爽口川椒雞球走惹味路線，食落非常肉嫩多汁，仲有川辣嘅香，配1664啤酒一流糖醋麵都要記得試，兩邊煎到好香脆，中間有少少濕潤，加上糖及醋去食，又減輕一點油膩感，不自覺會追住食，因為好香口最後食埋滋潤糖水就完美，呢款係蓮子百合紅棗桃，夠哂養顏，有冷熱選擇㗎