南越南咖啡廳

Open Now

Now Closed

今日朋友介紹到彌敦道726號一越式餐廳，本以為平平無奇，菜式選擇不算多，但勝在款款夠新穎，仲有多款打卡飲品，黎多2次都唔怕悶。 脆米紙薄餅 $54薄餅以薄薄的脆米紙作餅底，口感好鬆化，配料有醃酸蘿蔔、青瓜絲及、臘腸粒、蝦乾碎，掃上沙律醬，食落酸酸鹹鹹頗香口，口感味道豐富。五香豬腩伴鍋巴 $60以肥美半淋的豬腩肉，搭上炸到脆卜卜的鍋巴，確實有點邪惡，好在肥膏面積不多，配以酸瓜碎粒和千島醬，豐富了味道之餘減卻不少油膩感。依種邪惡小食一件起兩件止，一試無妨。NVN南越法式麵包 $78賣相普通食落超級美味。法包鬆軟，餡料豐富，有扎肉、燻蹄、豬耳、醃酸蘿蔔、青瓜、肝醬、辣蛋黃醬、蒽油、香葉，醬汁酸酸甜甜，非常好食。香茅豬扒配斑蘭椰香飯 $75豬扒肉質鬆軟，好香的香茅味，配料有醃酸蘿蔔、荳芽，撈蔥油美味。斑蘭龍眼茶 $23味道清甜，甜度適中，飲落都幾舒服的。Deep See Fantasy $68賣相特別，杯上的泡泡破開，突然仙氣十足，打卡唔錯，好易入口酒精濃度不高，帶有石榴味道。