而且價錢唔貴，就係度晚飯啦～～
都幾新鮮既生蠔
肉質肥美鮮甜，無雪藏味
除左生蠔，仲有新鮮元貝，海蝦，花甲等。
我覺得大蝦鮮味十足，燒完不但無乾哂水，而且仲好鮮甜彈牙
忍唔住一次過食左十隻！！
掛住玩磯燒，熟食都食少左好多
例牌梗係要食我至愛既甜蝦同三文魚。賣相唔錯，不過可能食完新鮮海鮮，甜蝦比我想像中普通，無咩味。三文魚水準是ok的。
超級好味羊架
燒得好香口，加上面頭既香料 有點重慶燒感覺，好正
好想食d熱湯野。叫左個牛肉豆腐鍋，熱辣辣，充滿牛味既上湯，滑嘟嘟既豆腐，仲有隻生雞蛋，令成個鍋更香更滑
食磯燒放題好新鮮 有得食有得玩，幾唔錯
不過放題時間有限，要花時間燒烤同會食得唔多野係一個問題。我同男友返到屋企好快又肚餓
