甫坐低，店員就奉上【潮州工夫茶】同前菜
工夫茶真係好花「工夫」嘅泡茶方式，工序既多又講究
所以唔止係飲茶，係飲緊生活態度 😎
另一道又係好考工夫嘅【杏汁白肺湯】
豬肺處理得好乾淨，真係白雪雪變咗白肺 😂
杏汁香得嚟唔會太杰身，飲落更加清潤！
【滷水鵝肉拼盤】有唔同 portion 揀
呢個係例牌，人少點細份啲都得
啲滷味好入味 👍🏻
【秋葵炒牛肉】好 colorful，賣相好靚
啲秋葵好新鮮，唔係好潺但又唔會好乾
食落好清爽，愈食愈健康呀 😋
炒牛肉好嫩，夠厚身有口感
【鮑汁扣鳳爪】個鮑汁勁濃稠
呢度嘅鮑魚汁仲加咗雞肉同火腿𠻹
好有營養～ 仲充滿雞腳嘅骨膠原 🤤
【手打魚蛋煮津菜煲】啲魚蛋超彈牙！
【杏汁桂花糕】有一層杏汁榚、一層桂花榚
層次比就咁一層桂花榚更豐富
個桂花榚甜度啱啱好，好好食！
【花生糖糠湯丸】勁得意
外面酥脆又有少少煙韌
