Wai Wai Wai (Tsuen Wan Plaza)

因為疫情關係已經好一段時間冇食泰國菜，最近發現同先生一直想食嘅圍威喂原來喺荃灣開咗分店，當然唔能夠放過。

食物選擇多元化，除咗熱門嘅東南亞菜色之外，仲有唔少特別嘅配搭，例如喺沙律入面加入臘腸同咖喱配羊架，玩味頗濃。

沙嗲雞肉串

$38

雞肉串大大串而且夠哂厚身，本身已經醃製過再燒到香噴噴，雞肉非常嫩滑，沾上沙嗲醬更加無懈可擊。

1

泰式軟殼蟹青芒果沙律

$98

青木瓜沙律份量非常多，酸甜開胃，加入味道清淡嘅四季豆感覺更清新，原隻軟殼蟹炸得夠哂酥脆，有畫龍點睛嘅效果。

金不換野菌炒秋葵

$88

草菇、秀珍菇同秋葵加入金不換去炒，令本來平平無奇嘅炒雜蔬變得鮮味無比，好有驚喜。

馬沙文咖喱慢煮牛舌

$98

馬沙文咖喱唔會有強烈嘅香料味道，亦唔會有嗆喉嘅辣度，但入口依然非常香濃，係比較溫和嘅咖喱，令人不由自主食完一啖又一啖，好可惜已經點咗炒飯，唔係嘅話配上薄餅絶對會係完美組合！

馬沙文咖喱慢煮牛舌

$98

牛舌大大片而且係厚切，口感彈牙之餘仲保留到香濃嘅牛味，唔會俾同樣濃味嘅咖喱蓋過。

泰式金菠蘿海鮮炒飯

$98

菠蘿炒飯份量好大，配料亦非常多，兩三個人分享都冇問題。
東南亞菜雖然吸引，但平時最怕餐廳唔衛生，呢度環境寬敞而且俾人嘅感覺非常整潔，食物味道亦係一流，相信會成為常客。