丼燃食堂

Open Now

Now Closed

-🔥旺角熱鬧嘅街道上出現一間火焰標誌嘅餐廳，見到餐廳嘅外表同名，就知道入面係有火炙菜式嘅日本菜！🇯🇵店內裝修以紅黑色為主，menu上又有老虎圖案🐯，走現代日本型格風。晚市時間比較多人，有機會要等位。🦀乜蟹都有丼 $138限量發售，材料有蟹棒、蟹肉、蟹膏、蟹鉗、蟹籽、蟹蓋。由於係火炙🔥，整個飯都有微微焦香。呢款可以揀醬汁，🐷就揀左明太子醬，同蟹非常夾。特別欣賞有鮮味蟹膏，同手掌咁大嘅蟹蓋！🐟激突三文魚丼 $148🐷隊友揀呢款有三文魚腩、三文魚子、三文魚、帶子、甜蝦🦐。食材新鮮，三文魚特別有鮮味，份量都多😋😍爆蔥鵝肝多士 $68呢個係🐷最鍾意嘅菜式！富有油香嘅鵝肝，配上鬆脆嘅多士，上面仲有黑松露醬，所有好食嘅野集於一身，加上微甜醬汁同爆蔥，超解膩😍🔥焦糖三文魚卷 $68打卡able菜式！店員將三文魚卷上枱後，再係客人面前用火槍燒放係碟下面嘅鹽，鍾意打卡嘅朋友有大約2分鐘可以慢慢影相📸燒完嘅三文魚上面有一層薄脆嘅焦糖，食落非常開胃😋🐟秘製三文魚鰭 $22輕輕炸過嘅三文魚鰭，香脆口感散發陣陣魚油香，配搭蜜糖芥末醬，不錯不錯。