上海姥姥 (Closed)

無心插柳路過，門口放左餐牌，見晚市價錢抵食，決定一試（本來目標是去隔幾條街的日式拉麵店）。進餐時間尚早，馬上安排座位。餐廳內可看到師傅拉面，中間有bar枱，適合單身人士 或上班族（因为我成日一個人食lunch, 纯粹個人喜好，最爱bar枱）。高椅下放有貯物籃，細心周到。餐廳座位不算多，bar枱约20席，其他枱大约容纳20-25人左右。今晚只兩人用餐，簡單點了4項食品。招牌排骨拉麵，菜肉雲吞拉麵，小籠包，後加菜肉雲吞。拉麵是店內拉的。排骨拉麵 - 麵，靭度適中，排骨炸得外脆肉質仍遠，不枉是招牌麵。菜肉雲吞拉麵- ，這碗麪麪身粗幼不一，有一兩條像一般意粉的粗，亦有一半是正常的，不過麵仍弹牙。菜肉雲吞十分好，所以再加單一碗凈雲呑。小籠包- 皮薄餡靚。净雲吞比跟麵一起上的，明顯凈食雲呑大粒D，味道調得剛好，吃後也不口渴。抵食、好食。下次人多D叫餸，要試下小菜。