我地叫左個$298 套餐120 分鐘任食潮汕手切牛。性價比高而且仲有好多野食比你揀。
首先講吓湯底係四選一，我哋揀左養生花膠雞湯，差唔多半隻雞加埋厚身花膠一齊煲。未打邊爐已經急不及待飲咗碗湯嘅精華先再作戰😀雞件夠滑嫩，花膠厚身口感軟糯
主菜嘅牛全部係高質肉，手切部位亦有好多款式切肉嘅厚度又適中。如果你哋係牛魔王一定可以滿足曬你胃口，而我自己最鐘意係匙柄，淥十幾秒就食得，口感滑得黎有嚼口，而且牛味溫淳😋
時令海鮮拼盤就有蝦，扇貝，鮑魚，沙白蜆同蠔，款款新鮮肥美☺️
除咗以上主打外，出面仲有好多火鍋配料，自家包嘅餃子皮薄多餡。 而邪惡嘅響鈴同魚皮係脆卜卜必食之選⋯⋯
另外有任飲汽水紙包茶類外，佢哋仲有啤酒、手打果茶或竹蔗茅根比你解熱氣氣🩷最後仲附送每人一杯haagen -dazs 杯裝雪糕，食完大滿足。這店係我其中要encore 嘅火煱店之一😋
📍淥鼎記 (觀塘)
觀塘觀塘道414號1亞太中心8樓
35
