一入去坐低就叫咗個粟米蘿蔔豬骨湯底，湯底清清地，飲落去好舒服。
再講返潮式火鍋嘅牛肉，選擇真係多到眼花撩亂，我叫咗匙柄同三花趾，肉質鮮嫩，食落真係好開心。仲有蒙古羊肉片，完全唔騷，味道鮮嫩，真係好驚喜！
最驚喜係手打魚蛋，口感彈牙到爆炸，咬落去有魚味，鬆軟得啱啱好。炸牛丸就更加特別，根本唔需要放湯，單食都好好味，口感彈牙，又有牛味。
再加上薺菜鮮肉水餃，配上醬油盆，除咗芫茜、葱、蒜，仲有唐芹，真係好驚喜，香味四溢，搭配白蘿蔔湯，簡直一流！
除咗火鍋，呢度嘅小食都幾出色。我地叫咗個蝦餅，外脆內嫩，蝦膠嘅香味十足，口感亦好彈牙，實在好食。
店內環境更唔錯，樓高兩層，裝修光猛，仲有啲隱秘地方，私隱度幾高，真係幾適合朋友聚餐。
1
總括來講，潮城唔單止食物好，環境都令人放鬆，有個講普通話嘅哥哥仔，仲招呼一流，態度親切，真係值得一試！
