潮州鹵漢大飯店 (Closed)

任飲任食香港唯一一間潮州風格火鍋放題 打響名堂的「潮州滷漢」可以任飲任食足足150分鐘B餐 8點前埋單仲有優惠價$238，趕快約一班朋友齊齊狂擦一番。頭盤先來個中式手搖海鮮袋 ，有波士頓龍蝦🦞帶子，鮑魚，仲有好多蜆同螺肉。蒜蓉醬撈得好惹味，淨係食呢盤海鮮袋已經幾乎值回票價！火鍋湯底都有六款選擇，我哋一定唔會錯過招牌滷水鍋底，咸鮮味十足配搭任食牛味濃郁嘅安格斯牛肉、以及味道鮮甜嘅海蝦，再加埋爽脆鵝腸、手切脆肉鯇魚片、手打魚滑…..超過40款火鍋配料。一邊係打邊爐，一邊食特色小食及鹵水小炒….滷水鵝件、五花腩、胡椒豬肚湯、普寧豆腐、潮汕反沙芋…麻辣滷豬手等等….任飲多款啤酒🍻汽水果汁外，還有低糖無糖健康版的soda選擇。甜品有雪糕雪條外，不妨試試自家製紫米涼粉都不錯。