百樂小館 (Closed)

今日同親人一齊去慶祝生日，一定要一間好餐廳先得，咁就選左好多人都話好ge百樂小館。 首先，個脆盞菠蘿咕嚕肉真係好正!菠蘿極新鮮鮮甜多汁，完全唔乾身，仲有咕嚕肉好腍，值得一試。然後媽媽最愛個紅燒乳鴿伴凱撒沙律，個賣相極精緻吸引，乳鴿色澤金黃，燒得剛剛好，真係用香氣四溢來形容都唔誇張，仲要完全無成口油的感覺，香脆非常，同時有沙律做個伴菜，清新! 爸爸就最愛香煎原條馬友魚，外皮少少焦都無，火候抵制得極好，魚肉鮮甜，無腥味，連我呢個唔算太喜歡食魚ge 人，都忍唔住食左幾啖，魚肉唔會貼住魚皮，真係唔錯!竹笙炆豆腐，汁唔太濃厚，豆腐又唔會過軟，係好食ge清淡之選! 不過，清心丸綠豆爽先係我ge最愛，煙煙韌韌，馬蹄的爽甜，綠豆的綿綿混雜一起，亦係足料，係好味又滋潤ge糖水。 百樂小館食物ge味道十分好，裝修亦清雅明亮，一家大小一齊坐得好舒服，仲有笑容滿臉ge服務員，真係食得好開心!